جمعہ , 7 اگست 2020

پاکستانی امریکن صحافی امریکا میں صدارتی مباحثہ ماڈریٹ کرنے کیلئے منتخب

پاکستانی نژاد امریکی صحافی آمنہ نواز کو امریکا کے صدارتی امیدوار بننے کے ڈیموکریٹ خواہشمندوں کا مباحثہ ماڈریٹ کرنے کے لیے منتخب کر لیا گیا۔

 آمنہ نواز جنوبی ایشیاء سے تعلق رکھنے والی پہلی امریکی ہیں جو صدارتی مباحثہ ماڈریٹ کرکے تاریخ رقم کریں گی۔

امریکا کے صدارتی امیدوار بننےکے ڈیموکریٹ خواہشمندوں کا یہ مباحثہ 19 دسمبر کو کیلی فورنیا میں ہوگا۔

40 برس کی آمنہ نواز امریکی ٹی وی پی بی ایس سے وابستہ ہیں جو  بطور سینئر نیشنل کوریسپونڈنٹ خدمات انجام دے رہی ہیں۔

پاکستانی نژاد امریکی صحافی آمنہ نواز  پاکستان، افغانستان، شام اور ترکی میں رپورٹنگ بھی کر چکی ہیں، انہیں  سیاست، امور خارجہ، تعلیم، ماحول،کلچر اور اسپورٹس میں رپورٹنگ کا تجربہ ہے۔

ایمی ایوارڈ یافتہ آمنہ نواز شمالی وزیرستان کا دورہ کرنے والی پہلی غیر ملکی صحافی تھیں، آمنہ نے ملالہ پر حملہ، اسامہ بن لادن کے کپماؤنڈ پر امریکی کارروائی کو بھی کورکیا تھا۔

واضح رہے کہ ماضی میں سرکاری ٹی وی سے وابستہ صحافی شجاع نواز کی بیٹی آمنہ ورجینیا میں پیداہوئیں تھیں، صحافت میں غیر معمولی کوریج پر آمنہ نواز کو ‘ایمی ایوارڈ‘ سے بھی نوازا جا چکا ہے۔

یہ بھی دیکھیں

بھارتی وزیر اعظم نے اپنے حلف کی خلاف ورزی کی ہے : اسد الدین اویسی

سری نگر: آل انڈیا مجلس اتحاد المسلمین کے سربراہ اسد الدین اویسی نے کہا ہے …