بدھ , 29 جنوری 2020

گھوٹکی میں خوفناک ٹریفک حادثہ کئی جانیں نگل گیا۔

گھوٹکی: صوبہ سندھ کے شہر گھوٹکی کی قومی شاہراہ پر تیز رفتار بس الٹ گئی، جس کے باعث 3 افراد جاں بحق جب کہ متعدد زخمی ہو گئے ہیں۔

تفصیلات کے مطابق گھوٹکی میں قومی شاہراہ پر ٹریفک حادثے میں تین افراد جان سے ہاتھ دھو بیٹھے، حادثے کے نتیجے میں متعدد افراد زخمی بھی ہوئے، ریسکیو ذرایع کا کہنا ہے کہ لاشوں اور زخمیوں کو اسپتال منتقل کر دیا گیا ہے۔

پولیس کے مطابق مسافر بس کراچی سے صادق آباد جا رہی تھی، کہ ڈہرکی کے قریب قومی شاہراہ باگو بھٹو کے مقام پر تیز رفتاری کے باعث الٹ گئی، حادثے میں 5 سے زائد افراد زخمی ہو گئے ہیں، لاشیں ڈہرکی اسپتال جب کہ زخمیوں کو ڈی ایچ کیو اسپتال میرپور ماتھیلو منتقل کر دیا گیا ہے۔

جاں بحق ہونے والوں میں بس کا ڈرائیور اور مسافر خاتون شامل ہیں، موٹر وے پولیس کے مطابق کہ مسافر بس کراچی سے صادق آباد جا رہی تھی کہ حادثے کا شکار ہوگئی۔

ادھر پنڈی بھٹیاں میں لاہور روڈ پر ڈمپر کی وین کو ٹکر کے نتیجے میں 3 افراد جاں بحق ہو گئے ہیں، حادثے میں ایک شخص زخمی ہوا۔

یاد رہے کہ گزشتہ روز کراچی، منگھوپیر ناردرن بائی پاس کے قریب ٹریفک حادثے میاں بیوی سمیت 6 افراد زخمی ہو گئے تھے، سرگودھا میں نشتر آباد کے قریب ڈمپر ٹرین کی زد میں آنے کی وجہ سے ڈرائیور جاں بحق ہو گیا تھا اور حادثے کے باعث ٹرین کا انجن پٹڑی سے اتر گیا تھا۔

یہ بھی دیکھیں

یمن، نہم کا علاقہ سعودی اتحاد کا قبرستان بن گیا، 2 ہزار فوجی قیدی، 400 ہلاک و زخمی + ویڈیو

یمن یمن، نہم کا علاقہ سعودی اتحاد کا قبرستان بن گیا، 2 ہزار فوجی قیدی، …