ہفتہ , 8 اگست 2020

ٹرمپ کو اسی کی زبان میں جواب دیاگیا

  • ٹرمپ کو اسی کی زبان میں جواب دیاگیا

شمالی کوریا نے امریکی صدر کو بوڑھا قرار دیتے ہوئے کہا ہے کہ بے چین اور بے صبرے ٹرمپ متنازع بیانات دے کر ہمیں اشتعال دلانے کی کوشش رہے ہیں۔

بین الاقوامی خبر رساں ادارے کے مطابق امریکا سے مذاکرات کرنے والی شمالی کوریا کی ٹیم کے سربراہ کم یونگ کول نے صدر ٹرمپ کو دماغ سے عاری بے پروا شخص قرار دیتے ہوئے کہا کہ صدر ٹرمپ کے بیان میں جھنجھلاہٹ سے صاف ظاہر ہورہا ہے کہ اب وہ بوڑھے ہو چکے ہیں۔

دوسری جانب شمالی کوریا کے سفیر برائے امریکا کم سونگ نے انکشاف کیا ہے کہ امریکا سے مذاکرات میں جوہری ہتھیاروں کی تلفی کا نکتہ حذف ہوچکا ہے اور اب ہمیں امریکا کے ساتھ طویل وقتی مذاکرات کرنے کی ضرورت ہی نہیں رہی ہے جس میں امریکا کا واحد مقصد مزید وقت حاصل کرنا تھا۔

واضح رہے کہ شمالی کوریا اور امریکا کے درمیان لفظی جنگ کا سلسلہ جاری ہے، ٹرمپ نے جدید اور خطرناک میزائل کے تجربات اور کم جونگ ان کی جانب سے آئندہ ہونے والے صدارتی الیکشن میں مداخلت کی کوشش پر شمالی کوریا کو شدید تنقید کا نشانہ بنایا  جس پرشمالی کوریا کے حکام نے بھی ٹرمپ کو اسی کی زبان میں جواب دیتے ہوئےخاموش کر دیا۔

یہ بھی دیکھیں

شمالی کوریا اور جنوبی کوریا: سرحدی چوکیوں پر دو طرفہ فائرنگ

شمالی کوریا اور جنوبی کوریا کی سرحد پر فریقین کے درمیان دو طرفہ فائرنگ کا …