جمعہ , 14 اگست 2020

بڑی کامیابی ، سوئس حکومت پاکستانیوں کے اکاونٹس کی معلومات دینے کے لئے تیار

اسلام آباد : سوئس حکومت کی پاکستان کوبینکس میں موجودرقم کی معلومات دینےکی منظوری دے دی ہے ، معلومات فراہم کرنےکی منظوری سوئس پارلیمنٹ نےدی، سوئس بینکوں میں31لاکھ غیرملکیوں کےاکاونٹس ہیں۔

تفصیلات کے مطابق بیرون ملک چھپائی گئی دولت واپس لانے میں اہم پیش رفت سامنے آئی ، سوئس حکومت کی پاکستان کوبینکس میں موجودرقم کی معلومات دینےکی منظوری دے دی ہے ، سوئس اخبار کا کہنا ہے کہ سوئٹزرلینڈ پاکستانیوں کے اکاونٹس سمیت 18 ممالک کو معلومات فراہم کرے گا۔

سوئس اخبار کے مطابق معلومات فراہم کرنےکی منظوری سوئس پارلیمنٹ نےدی ، معلومات غیر ملکی باشندوں کےمتعلقہ ملکوں کوفراہم کی جائیں گی، ممالک میں پاکستان ،البانیہ، آذربائیجان، برونائی، مالدیپ، اومان ودیگرشامل ہیں ، سوئس بینکوں میں31 لاکھ غیر ملکیوں کےاکاؤنٹس ہیں۔

یاد رہے رواں سال مارچ میں حکومت کا ریکوری یونٹ بیرون ملک سے پانچ سو تیس ملین روپے کی رقم ریکور کرنے میں کامیاب ہوگیا تھا اور ریکور کی جانے والی تمام رقم قومی خزانے میں جمع کرادی گئی تھی۔

یاد رہے گٓذشتہ سال وزیرِ اعظم کے مشیر برائے احتساب شہزاد اکبر نے کہا تھا کہ سوئس حکومت کے ساتھ پاکستان سے لوٹی گئی دولت کی واپسی کے لیے دو طرفہ معاہدہ ہونے جا رہا ہے۔

یہ بھی دیکھیں

بھارتی وزیر اعظم نے اپنے حلف کی خلاف ورزی کی ہے : اسد الدین اویسی

سری نگر: آل انڈیا مجلس اتحاد المسلمین کے سربراہ اسد الدین اویسی نے کہا ہے …