جمعرات , 6 اگست 2020

بیوی کے بے تحاشہ اخراجات نے شوہر کی جان لے لی

بین الاقوامی میڈیا رپورٹس کے مطابق واقعہ ریاست کرناٹکا کے مرکزی شہر بنگلورو میں پیش آیا جہاں ایک اپارٹمنٹ کے فلیٹ سے 39 سالہ شخص کی پھندا لگی لاش برآمد ہوئی تو پولیس نے واقعے کی تفتیش کا آغاز کردیا۔

پولیس کا کہنا ہے کہ خودکشی کرنے والے شخص کی شناخت سری ناد کے نام سے ہوئی جو سافٹ ویئر کمپنی میں ملازمت کرتا تھا، بیوی کی خواہش پر قرض حاصل کرکے متوفی نے گھر حاصل کیا اور دیگر اخراجات پورے کیے مگر اس کی بیوی ریکھا کی بے جا اخراجات کا بوجھ وہ برداشت نہ کر سکا۔

پولیس کا کہنا ہے کہ مبینہ طور پر ریکھا اپنے شوہر کی محدود آمدنی سے بڑھ کر طرز زندگی اپنانے کی خواہش کرتی تھی اور مسلسل بڑھتے ہوئے اخراجات پر ان میں تنازع رہتا تھا جب کہ وہ شوہر کی جائیداد کو اپنے والد کے نام کروانے کے لیے دباؤ بھی ڈالتی تھی۔

پولیس کے مطابق بیوی کے بے تحاشہ اخراجات سے تنگ آکر شوہر نے خود کو پھاندہ لگا کر زندگی کا خاتمہ کردیا، سرناد کی موت کے واقعے پر 306 کا مقدمہ ریکھا اور اس کے والدین کے خلاف درج کرلیا گیا ہے۔

یہ بھی دیکھیں

یہ دنیا کی ’سب سے سیاہ‘ مچھلی ہے

لاس اینجلس: امریکی سائنسدانوں کی ایک ٹیم نے سمندر کی اتھاہ و تاریک گہرائیوں سے …