سپریم لیڈر ایران کے مشیر برائے بین الاقوامی امور نے اس بات کو سختی سے مسترد کردیا ہے کہ ایران اور امریکہ کے درمیان خفیہ تعلقات چل رہے ہیں.یہ بات ایکسپڈینسی کونسل کے رکن علی اکبر ولایتی نے منگل کے روز روسی چینل روسیا الیوم کو خصوصی انٹریو دیتے ہوئے کہی.انہوں نے پابندیاں اٹھانے سے پہلے امریکہ کے ساتھ کسی بھی مذاکرات کو مسترد کرتے ہوئے بتایا کہ ایرانی کا موقف مستحکم ہے اور امریکی حکام کے ساتھ مذاکرات اور ملاقات کے لیے کوئی فیصلہ نہیں کیا گيا ہے.
٭٭ صہیونی حملوں کا جواب دیا جائے گا:
علی اکبر ولایتی نے کہا کہ اسرائیل کو جلد یا بدیر شام میں اپنے فضائی حملوں اور جرائم کا جواب ملے گا اور لبنان اور شام کے ممالک صہیونی جعلی رجیم کے ان حملوں کا منہ ٹور جواب دیں گے.ایرانی عہدیدار نے کہا کہ تل ابیب کو جلد ہی اپنے جرائم پر پچھتاوا ہوگا.انہوں نے مزید کہا کہ شام میں خاص طور پر تیل سے مالا مال علاقوں میں امریکی فوجیوں کی موجودگی اس ملک کے عوام کی مرضی کے مطابق نہیں اور یہ تیل چورنے کی ایک قسم ہے.ولایتی نے کہا کہ امید ہے کہ شام پر امریکی قبضہ جلد از جلد ختم ہو جائے گا.