پیر , 27 جنوری 2020

سعودی عرب، شیطان کی تعریف کرنے پر ٹیچر معطل

ریاض: سعودی عرب کی ریاست الباہا میں ٹیچر کو شیطان کی تعریف کرنے پرمعطل کردیا گیا۔

تفصیلات کے مطابق سعودی پراسیکیوٹرز نے ایک امتحان کے پرچے میں شیطان کی تعریف کرنے پر ٹیچر کو 40 روز کے لیے معطل کرکے تحقیقات کا آغاز کردیا۔مذکورہ استاد نے سعودی مغربی علاقے الباہا کے ایک پرائمری اسکول میں ہونے والے امتحانی پرچے  میں  شیطان کا ذکر کردیا تھا۔ایک مقامی تعلیمی ادارے کے ترجمان کا کہنا ہے کہ طالب علموں سے امتحان کے دوران پرچے فوری واپس لے لیے گئے تھے۔

رپورٹ کے مطابق بعدازاں ایک تعلیمی ٹیم نے اسکول کا دورہ کیا اور واقعے کی تحقیقات کرکے ٹیچر کو معطل کرنے اور اسکول میں داخل ہونے پر پابندی کی سفارش کی۔شیطان کی تعریف کرنے والے ٹیچر کا سابقہ کرمنل ریکارڈ بھی موجود ہے۔ایک استاد نے نام ظاہر نہ کرنے کی شرط پر بتایا کہ ٹیچر کو بدکاری اور منشیات کے 10 مقدمات میں سزا بھی دی گئی تھی، وہ کام کے اوقات میں اسکول کے اندر سگریٹ نوشی کرتے تھے اور دوران کلاس گانے بھی گنگنائے جاتے تھے۔رپورٹ کے مطابق اس ٹٰیچر کو ممکنہ طور پر دھوکہ دہی اور نفسیاتی عدم توازن کا سامنا کرنا پڑ سکتا ہے، اس سے پہلے بھی اسے نفسیاتی اسپتال میں داخل کرایا گیا تھا۔

یہ بھی دیکھیں

ایران میں اڑھائی ہزار سے زائد جڑی بوٹیوں کی ادویات کی برآمدات

 تہران:  اسلامی جمہوریہ ایران میں رواں سال کے ابتدائی مہینوں سے اب تک 1600 ٹن …