لبنان کی نئی کابینہ کی تشکیل

لبنان کے نئے وزیراعظم حسان دیاب نے بیس وزراء پر مشتمل کابینہ تشکیل دے دی ہے۔لبنان کی وزراء کونسل کے سیکریٹری محمود مکیہ نے ایک بیان میں کہا ہے کہ دیاب کی نئی کابینہ کو صدر میشل عون کی تائید حاصل ہو گئی ہے۔لبنانی وزراء کی نئی کابینہ میں نصف مسلمان اور نصف عیسائی ہیں۔ اس کابینہ میں ایک تہائی خاتون وزراء ہیں۔لبنانی وزیراعظم نے کابینہ کی تشکیل کے بعد ایک پریس کانفرنس میں اعلان کیا ہے کہ لبنان ایک حساس دور سے گذر رہا ہے اور وزراء حکومت کے مطالبات کے حق میں کام کریں گے اور مظاہرین کے مطالبات پورے کرنے کی کوشش کریں گے۔