چین میں کرونا وایرس کو کنٹرول کرنے کے لئے ایڈز کی دواؤں کا استعمال شروع

چینی ڈاکٹروں نے بیجنگ میں کرونا وا‏ئرس کے علاج کے لئے ایڈز کی بیماری کو کنٹرول کرنے والی دواؤں سے استفادہ کرنا شروع کردیا ہے۔چینی وزارت صحت نے اس بات کا اعلان کرتے ہوئے کہ ایچ آئی وی یا ایڈز پر قابو پانے والی دوا، کرونا وائرس پر قابو پانے میں بہت زیادہ موثر ثابت ہورہی ہے کہا کہ فی الحال بیجنگ کے اسپتالوں میں کرونا وائرس میں مبتلا مریضوں کا علاج کرنے کے لئے ایچ آئی وی کی دواؤں کا استعمال شروع کردیا گیا ہے۔ پورے چین میں کرونا وایرس میں مبتلا افراد کی تعداد تقریبا دوہزار ہے جبکہ پوری دنیا میں کرونا وایرس میں مبتلا افراد کی تعداد مجموعی طور پر دوہزار سے زائد ہوگئی ہے۔ چین میں اب تک چھپن افراد کرونا وائرس میں لقمہ اجل بن چکے ہیں۔ پاکستان اور ہندوستان میں بھی کرونا وایرس کے پیش نظر اسپتالوں کو الرٹ کردیا گیا ہے۔