جمعرات , 9 اپریل 2020
تازہ ترین

مسافروں سے بھرے طیارے کی کریش لینڈنگ

ماسکو: شمالی روس میں مسافر طیارے بوئنگ 737 نے کریش لینڈنگ کی تاہم خوش قسمتی سے حادثے میں کوئی جانی نقصان نہیں ہوا۔

بین الاقوامی میڈی رپورٹس کے مطابق حادثہ اسینسک ایئرپورٹ پر پیش آیا جہاں مسافر بردار طیارہ لینڈنگ کے دوران ٹائر ٹھیک سے نہ کھلنے پر پچھلی جانب سے رن وے پر رگڑیں کھاتا رہا۔

طیارے میں 96 مسافر سوار تھے تاہم خوش قسمتی سے کوئی جانی نقصان نہیں ہوا اور تمام مسافروں کو بحفاظت نکال لیا گیا۔

روسی سول ایوی ایشن اتھارٹی کا کہنا ہے کہ طیارے نے چیسس کی خرابی کے باعث کریش لینڈنگ کی ہے اور اس غیر متوقع لینڈنگ کے حوالے سے تفتیش شروع کردی گئی ہے۔

یاد رہے کہ چند روز قبل پوئنگ 737 طیارہ استنبول ایئرپورٹ پر لینڈنگ کے بعد 3 ٹکڑوں میں تقسیم ہوگیا تھا جس کے نتیجے میں 3 افراد ہلاک اور درجنوں زخمی ہوگئے تھے۔

یہ بھی دیکھیں

ایل او سی پر فضائی حدود کی خلاف ورزی، پاک فوج نے بھارتی ڈرون مار گرایا

راولپنڈی: آئی ایس پی آر نے کہا ہے کہ پاک فوج نے ایل او سی …