جمعرات , 1 اکتوبر 2020

شام نے ادلب میں جنگ بندی کا امکان مسترد کردیا

اقوام متحدہ میں شام کے مستقل مندوب بشار جعفری نے ادلب میں جنگ بندی کے امکان کو مسترد کردیا ہے۔

المیادین ٹیلی ویژن کے مطابق اقوام متحدہ میں شام کے مستقل مندوب بشار جعفری کا کہنا تھا کہ سیاسی رقابت فوجی کشیدگی میں تبدیل ہوگئی ہے اور موجودہ حالات میں ادلب میں جنگ بندی ممکن نہیں۔
انہوں نے کہا کہ مغربی ممالک اور امریکہ اپنے مفادات کی خاطر ترکی کو شام کی سرزمین پر روس کے ساتھ الجھانے کی کوشش کر رہے ہیں۔
گزشتہ ہفتے جمعرات کو اقوام متحدہ کی سلامتی کونسل نے اپنے ہنگامی اجلاس میں شام کے صوبے ادلب کی صورتحال کا جائزہ بھی لیا تھا۔
امریکہ، برطانیہ اور فرانس کے نمائندوں نے ادلب میں شامی فوج کی پیشقدمی کے آغاز کے بعد سلامتی کونسل کا ہنگامی اجلاس طلب کیا تھا۔
دہشت گردوں کے اشتعال اقدامات اور شام کے دیگر علاقوں پر کیے جانے والے حملوں کی وجہ سے ادلب میں صورتحال کشیدہ ہوگئی ہے۔ ترک فوج کی مداخلت نے صورتحال کو مزید پیچیدہ اور کشیدگی میں بے پناہ اضافہ کردیا ہے۔

یہ بھی دیکھیں

ایران اور حزب اللہ کے خلاف شاہ سلمان کی ہرزہ سرائی، مخالف اتحاد بنانے کا مطالبہ

ریاض: سعودی عرب کے شاہ سلمان نے اسلامی جمہوریہ ایران اور اسلامی مزاحمتی تحریک حزب …