کرونا وائرس کے باعث پاکستان نے زائرین کے ایران جانے پر پابندی عائد کر دی

محکمہ داخلہ بلوچستان کا کہنا ہے کہ زائرین کے قافلوں کو تاحکم ثانی اجازت نامے جاری نہیں کیے جائیں گے، زائرین کو روکنے کیلئے خصوصی چیک پوسٹیں قائم کرنے کی ہدایت بھی کردی گئی ہے۔ اس وقت تفتان میں موجود 100کے قریب زائرین کو واپس کوئٹہ لانے کا حکم دیا گیا ہے۔وزيراعلیٰ بلوچستان نے صورت حال پر ایکشن لیتے ہوئے ايرانی سرحد سے ملحقہ علاقوں ميں ہيلتھ ايمرجنسی بھی نافذ کرنے کا حکم دے دیا، جہاں شہريوں سے احتياط برتنے کی اپيل کی گئی ہے۔

ايران سے واپس آنے والے پاکستانی زائرين کی ملک ميں داخلے پر اسکريننگ کی جائے گی۔ وزيراعلیٰ جام کمال نے وزيراعظم عمران خان کو بھی ٹيلی فون کر کے صورت حال سے آگاہ کيا اور وائرس کے پھيلنے کے معاملے پر بات چيت کی۔دوسری جانب عرب ٹی وی الجزیرہ کا کہنا ہے کہ ايران ميں کرونا وائرس سے ہلاکتيں 6 ہوگئی ہیں۔ جب کہ وائرس سے 29 افراد متاثر ہیں۔