امیر قطر کا ایران کوفوری طور پر طبی امداد ارسال کرنے کا حکم

اطلاعات کے مطابق امیر قطر نے ایران میں کورونا وائرس کی روک تھام کے سلسلے میں ایرانی حکومت اور عوام کے اقدامات کی تعریف کرتے ہوئے کہا ہے کہ قطر اس مشکل وقت میں ایران کے ساتھ کھڑا ہے ۔ قطر کے امیر نے متعلقہ اداروں کو حکم دیا ہے کہ وہ فوری طور پر ایران کو طبی امداد ارسال کریں۔قطر کی حکومت کا کہنا ہے کہ کورونا وائرس سے پوری دنیا کو خطرات لاحق ہیں اوراس مہلک وائرس کا مقابلہ کرنے کے سلسلے میں  باہمی تعاون کی اشد ضرورت ہے۔