کورونا وائرس بارے سپام کے طور پر نشان زد پوسٹس بحال کردی گئی ہیں : فیس بک

فیس بک نے کہا کہ اس نے کورونا وائرس اور دیگر عنوانات بارے غلطی سے سپام کے طور پر نشان زد ہوجانے والی پوسٹیں بحال کردی ہیں ۔امریکی ذرائع ابلاغ کے مطابق فیس بک کے نائب صدر گائے روزن نے ٹویٹ کیا کہ فیس بک کا خود کار نظام جو گستاخانہ ویب سائٹوں کے لنکس اور بہت ساری دوسری غلط پوسٹوں کو ہٹاتا ہے اس میں خرابی پیدا ہونے کی وجہ سے گزشتہ روز فیس بک نے جائز خطوط اور مضامین کورونا وائرس سے متعلق خبروں وغیرہ کو بھی فضول پوسٹوں کے طور پر ظاہر کیا جس سے فیس بک کے صارفین مشتعل ہوئے ۔انہوںنے مزید بتایا کہ فیس بک نے صحت عامہ کے بحران کے دوران قیمتوں میں اضافے کوروکنے کے لئے چہرے کے ماسک اور دیگر طبی آلات کے اشتہارات پر بھی عارضی طور پر پابندی عائد کردی ہے۔