اتوار , 9 مئی 2021

بھارت میں ماؤ نواز باغيوں کے حملے میں 17 اہلکار ہلاک

بھارت میں ماؤ نواز باغيوں نے پولیس کمانڈوز کے قافلے پر حملہ کرکے 17 اہلکاروں کو ہلاک اور 15کو زخمی کردیا ہے جب کہ 12 اہلکار لاپتہ ہیں۔مہر خبررساں ایجنسی نے بھارتی ذرائع کے حوالے سے نقل کیا ہے کہ بھارت میں ماؤ نواز باغيوں نے پولیس کمانڈوز کے قافلے پر حملہ کرکے 17 اہلکاروں کو ہلاک اور 15کو زخمی کردیا ہے جب کہ 12 اہلکار لاپتہ ہیں۔  اطلاعات کے مطابق ریاست چھتیس گڑھ کے ضلع سکما سے گزرنے والے پولیس کمانڈوز کے قافلے پر 300 سے زائد ماؤ نواز باغیوں نے حملہ کر دیا، حملہ آوروں کی اندھا دھند فائرنگ کی زد میں آکر 17 اہلکار ہلاک اور 15 زخمی ہوگئے۔ پوليس سپرنٹنڈنٹ شلاب سنہا نے ہلاکتوں کی تصدیق کرتے ہوئے میڈیا کو بتايا کہ ماؤ نواز باغيوں کے ایک گروہ نے پوليس کمانڈوز کے قافلے کو گھات لگا کر حملے کا نشانہ بنايا، جوابی کارروائی میں 4 باغی بھی مارے گئے۔ حملے کے بعد سے 12 اہلکار لاپتہ ہیں۔ حملے کا شکار ہونے والے کمانڈوز اس علاقے میں باغیوں کیخلاف آپریشن کرنے گئے تھے تاہم اس سے قبل ہی ماؤ باغیوں نے کمانڈوز پر حملہ کردیا جس کے بعد دونوں کے درمیان کئی گھنٹوں تک فائرنگ کا تبادلہ جاری رہا۔ باغی جاتے ہوئے بھارتی پولیس کا اسلحہ بھی لے گئے۔واضح رہے کہ بھارتی ریاستوں جھاڑ کھنڈ، مغربی بنگال، اڑيسہ، بہار، چھتيس گڑھ، مہاراشٹرا اور آندھرا پرديش سمیت ديگر رياستوں ميں 1960 سے ماؤ نواز باغ بھارت سے آزادی کیلیے مسلح جدوجہد کر رہے ہیں۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …