یورپ اور ایشیا میں سونے کے نرخوں میں کمی

امریکی پارلیمنٹ کے 20 کھرب ڈالر کے متوقع ریلیف پیکج کے باوجود یورپ اور ایشیا میں سونے کے نرخوں میں کمی آئی ہے جس کی وجہ کورونا وائرس سے ہلاکتوں میں اضافہ اور معطل شدہ پیداواری و تجارتی سرگرمیاں ہیں۔لندن میں سپاٹ گولڈ کے وقفے سے قبل نرخ 0.2 فیصد گر کر 1607.57 ڈالر فی اونس رہے۔امریکی سونے کے سودے 1.6 فیصد کمی کے ساتھ 1633.70 ڈالر فی اونس طے پائے۔سنگاپور میں سپاٹ گولڈ کے وقفے کے بعد نرخ 1 فیصد گر کر 1594.18 ڈالر فی اونس رہے۔امریکی سونے کے سودے 0.2 فیصد اضافے کے ساتھ 1664.80 ڈالر فی اونس طے پائے۔