پیر , 17 مئی 2021

گلگت بلتستان: کورونا کیخلاف برسرپیکار سرکاری ملازمین کو ایک ماہ کی اضافی تنخواہ کا اعلان

وزیراعلیٰ گلگت بلتستان نے کورونا کے خلاف جنگ میں شریک سرکاری ملازمین کو ایک ماہ کی اضافی تنخواہ دینے کا اعلان کیا ہے۔ترجمان وزیراعلیٰ کےمطابق پیرامیڈیکل اسٹاف، اسپیشلسٹ ڈاکٹرز اور ویسٹ مینجمنٹ ملازمین کو اضافی تنخواہ دی جائے گی۔ترجمان گلگت بلتستان کا کہنا تھا کہ لاک ڈاؤن کے دوران غریب اور مستحق افراد کو مفت راشن فراہم کریں گے۔ترجمان نے بتایا کہ سیکریٹری پاپولیشن ویلفیئرکو مستحق افراد کی فہرستیں تیار کرنے کے احکامات دے دیئے گئے ہیں۔واضح رہےکہ گلگت بلتستان میں کورونا وائرس کے کیسز کی تعداد 80 سے زائد ہے جب کہ گلگت کے ڈاکٹر اسامہ بھی کورونا کےخلاف جنگ لڑتے ہوئے انتقال کرگئے۔

یہ بھی دیکھیں

سمندری طوفان پاکستان کی جانب بڑھنے لگا، ٹھٹہ میں تیز ہوائیں چلنا شروع

کراچی: سمندری طوفان تاؤتے بھارت کے ساحلوں سے ٹکراتا ہوا پاکستان کی جانب بڑھنے لگا …