امریکہ ایران کیخلاف انسانیت سوز رویے کا خاتمہ دے: مفتی اعظم پاکستان

مفتی منیب الرحمان نے کہا کہ ایران یک طرف کرونا وائرس کیخلاف لڑر ہا ہے اور دوسری طرف اسے امریکی شدید معاشی پابندیوں کا شکار ہے۔انہوں نے کہا کہ امریکی پابندیوں نے کرونا وائرس کی روک تھام کیلئے ایرانی کوششوں کی راہ میں رکاوٹیں حائل کی ہیں تا ہم دنیا ایرانی مظلوم عوام کی حمایت کے بجائے اس ظلم کے سامنے خاموشی اختیار کر چکی ہے۔پاکستان روئت ہلال کمیٹی کے سربراہ نے کہا کہ ہمارا ایران کیخلاف عائد پابندیوں کو اٹھانے کا مطالبہ ہے تا کہ وہ اپنے مالی وسائل سے رسائی تک کرونا وائرس کیخلاف بہتر طریقے سے مقابلہ کر سکے۔

واضح رہے کہ اقوام متحدہ کے سربراہ نے گزشتہ ہفتے کے دوران اقوام متحدہ کی اعلی کونسل برائے انسانی حقوق کے بیان کی حمایت کرتے ہوئے کرونا وائرس سے متاثرہ تمام ممالک کیخلاف عائد پابندیوں کو اٹھانے کا مطالبہ کرتے ہوئے تمام ممالک سے کوویڈ-19 کی روک تھام میں ایرانی کوششوں کے تعاون کا مطالبہ کیا۔یہ بات قابل ذکر ہے کہ پاکستانی وزیر خارجہ نے حالیہ دنوں میں اپنے ایرانی، جرمن، فرانسیسی، ہسپانوی اور ترک ہم منصبوں سمیت جنوبی ایشیائی علاقائی تعاون تنظیم (سارک) کے رکن ممالک بشمول مالدیپ، نیپال اور بنگہ دیش کے وزرائے خارجہ سے کوویڈ-19 کے پھیلاؤ اور اس کی روک تھام میں ایران مخالف امریکی پابندیوں کی وجہ سے رونما ہونے والے مشکلات سے متعلق بات چیت کی۔

انہوں نے یورپی یونین کی خارجہ پالیسی کے سربراہ "جوسب بورل” کے نام میں ایک خط میں ایران مخالف امریکی پانبدیوں کی منسوخی کیلئے عالمی برداری کیجانب سے جلد از جلد اقدامات اٹھانے کی ضرورت پر زور دیا تھا۔اس کے علاوہ وزیر اعظم پاکستان نے حالیہ دنوں میں ایران مخالف امریکی پابندیوں کو ظالمانہ قرار دیتے ہوئے ڈونلڈ ٹرمپ کے نام میں ایک پیغام میں ان پابندیوں کی منسوخی کا مطالبہ کیا۔