Iblagh News | حقائق تک رسائی اور ان کا ابلاغ
اسلامی جمہوریہ ایران میں کورونا وائرس سے صحتیاب ہونے والوں کی تعداد ساڑھے چودہ ہزار سے زیادہ ہوگئی ہے۔ایران کی وزارت صحت کے شعبہ تعلقات عامہ کے ڈائریکٹر ڈاکٹر کیانوش جہان پور نے منگل کو اپنی روزانہ کی پریس بریفنگ میں بتایا ہے کہ ایران میں کورونا وائرس میں مبتلا افراد کی تعداد چوالیس ہزار چھے سو چھے ہے ۔
انھوں نے کہا کہ افسوس کہ چوبیس گھنٹے میں مزید ایک سو اکتالیس افراد کے جاں بحق ہوجانے کے بعد اس موذی وائرس سے مرنے والوں کی تعداد دو ہزار آٹھ سو اٹھانوے ہوگئی ۔ انہوں نے بتایا کہ گزشتہ چوبیس گھنٹے میں مزید سات سو پینتالیس افراد صحتیاب ہو کے اسپتالوں سے اپنے گھروں کو واپس گئے جس کے بعد ایران میں کورونا وائرس سے مکمل طور پر صحتیاب ہونے والوں کی تعداد چودہ ہزار چھے سو چھپن ہوگئی ہے۔انھوں نے بتایا کہ کورونا وائرس کے خلاف ملک گیر مہم کامیابی کے ساتھ جاری ہے اور اس دوران چھے کروڑ پچاس لاکھ سے زائد افراد کی کورونا اسکریننگ کی جا چکی ہے۔
