Iblagh News | حقائق تک رسائی اور ان کا ابلاغ
ایرانی سائنسدانوں نے کورونا وائرس کے جنیٹک کوڈ تک رسائی حاصل کرلی ہے۔ ایران بائیو ٹیکنالوجی ایسوسی ایسن کے سربراہ ڈاکٹر سیروس زینلی کے مطابق ایرانی سائنسدانوں نے پابندیوں کے دور میں کورونا وائرس کے سیکوئینس کہ پتہ لگانے کے بعد اس کا جینیٹک کوڈ بھی حاصل کرلیا ہے۔ انہوں نے بتایا کہ اب تک دنیا میں کورونا وائرس کے چار ہزار سے زائد سیکوئینس دنیا میں رجسٹرڈ کیے جا چکے ہیں لیکن ایران میں یہ کام پہلی بار انجام پایا ہے۔
کوورنا وائرس کی جینیاتی تبدیلیوں یا میوٹیشن کے بارے میں ان کا کہنا تھا کہ بعض سائنسدانوں کا خیال تھا کہ یہ ایران میں یہ وائرس مسلسل اپنی حالت تبدیل کر رہا ہے لیکن اس پیشرفت کے بعد یہ مفروضہ غلط ثابت ہوگیا ہے۔
ایران بائیوٹیکنالوجی ایسوسی ایشن کے سربراہ نے مزید کہ کورونا سیکوئنس تک رسائی کے بعد یہ بات واضح ہوگئی ہے کہ اس وائرس کے لیے تیار کی جانے والی کوئی بھی دوا یا ویکسین دنیا کے تمام ملکوں میں استعمال کی جاسکے گی اور ہر ملک اور قوم کے لیے جدا گانہ دوا تیار کرنے کی ضرورت نہیں ہوگی۔قابل ذکر ہے کہ تمام وائرس اور زندہ خلیے جینیٹک اسٹرکچر کے حامل ہوتے ہیں جو ان کی بقا کا ضامن ہے۔ کورونا وائرس RNA اسٹرکچر کا حامل ہے۔
