ایران نے امریکی پابندیوں کو مسترد کر دیا

ایران نے اپنے چند حکومتی نمائندوں پر عائد کی جانے والی امریکی پابندیوں کو مسترد کر دیا ہے۔ ایران کے سرکاری ٹیلی وژن نے وزارت خارجہ کے ترجمان عباس موسوی کے بیان کے حوالے سے بتایا ہے کہ واشنگٹن کی جانب سے ایرانی حکام پر بے ثمر اور بار بار عائد کی جانے والی یہ پابندیاں امریکا کی کمزوری، مایوسی اور بے چینی کو ظاہر کرتی ہیں۔ امریکا نے بدھ کو ایرانی وزیر داخلہ سمیت متعدد سرکاری اہلکاروں کو پابندیوں کا نشانہ بنایا ہے۔ امریکی الزام ہے کہ یہ افراد انسانی حقوق کی سنگین خلاف ورزیوں میں ملوث ہیں۔