بدھ , 8 جولائی 2020

یو اے ای، 2 کمسن بہن بھائیوں سمیت 4 افراد سیلابی ریلے میں بہہ گئے

شارجہ: متحدہ عرب امارات کی ریاست شارجہ میں سیلابی ریلے میں تین کاریں بہہ گئیں جس کے نتیجے میں 2 بچوں سمیت چار افراد جاں بحق ہوگئے۔غیر ملکی خبررساں ادارے کی رپورٹ کے مطابق شارجہ کی وادی الہیلو میں گزشتہ روز سیلابی ریلا تین گاڑیوں کو بہا کر لے گیا جس کے نتیجے میں دو کمسن بہن بھائیوں سمیت چار افراد جاں بحق ہوگئے۔جاں بحق ہونے والے بچوں میں ایک کی عمر ایک برس، اور ایک بچی کی عمر چار برس تھی، دونوں بہن بھائیوں کی شناخت متھیل اور عمر المطروشی کے نام سے ہوئی۔

رپورٹ کے مطابق ایک گاڑی سے 40 سال کے قریب دو افراد کی لاشیں بھی ملی ہیں، اس گاڑی میں سے ایک شخص کو بچالیا گیا ہے۔سیلابی ریلے کے نتیجے میں زخمی ہونے والے 2 افراد میں آٹھ سالہ فہد اور فہد کے والد شامل ہیں، تمام زخمیوں کو طبی امداد کے لیے ہیلی کاپٹر کے ذریعے اسپتال منتقل کیا گیا۔پانچ افراد پر مشتمل ایک تیسری گاڑی بھی سیلابی ریلے میں بہہ گئی تھی ان افراد میں ایک ماں، والد اور تین بچے تھے ریسکیو اہلکاروں نے ان پانچوں افراد کو بچالیا۔رپورٹ کے مطابق ریسکیو اہلکاروں کی جانب سے مجموعی طور پر 8 افراد کو بچالیا گیا جبکہ 4 افراد جاں بحق ہوگئے۔

شارجہ پولیس کے کمانڈر انچیف میجر جنرل سیف زیری الشمی کا کہنا ہے کہ پولیس نے شہریوں کی زندگیوں کو محفوظ بنانے کے لیے وادی الہیلو کے اس سیلاب والے علاقے میں تمام اہم سڑکیں بندد کردی تھیں لیکن کچھ افراد نے سب وے سڑکیں جو کھیتوں تک جانے والی تھی ان کا استعمال کیا اور اپنی جانوں کو خطرے میں ڈالا۔ال شمسی نے لوگوں پر زور دیا کہ وہ تیز بارش کے دوران وادیوں اور پہاڑوں سے دور رہیں کیونکہ ان کا آس پاس کا ماحول خطرناک ہوتا ہے۔ انہوں نے عوام سے بارش کے دوران شارجہ پولیس اور وزارت داخلہ کی جاری کردہ ہدایات پر عمل کرنے کا مطالبہ کیا۔

یہ بھی دیکھیں

امریکا میں کورونا وائرس کے خوفناک پھیلاو کے ذمہ دار ٹرمپ ہے؛گورنر نیویارک

واشنگٹن: نیویارک کے گورنر نے اپنی پریس کانفرنس میں کورونا وائرس کے مقابلے میں ٹرمپ …