امریکہ اور صہیونی کا مقابلہ کرنا پارلیمنٹ کے بنیادی اصولوں میں سے ایک ہے: ایرانی اسپیکر

انہوں نے اسلامی انقلاب کی تہذیب سازی کی پوزیشن میں گیارہویں پارلیمنٹ کے اہم کردار کا ذکر کرتےہوئے بتایا کہ پارلیمنٹ اسلامی انقلاب کے ارمانوں کے بارے میں کسی بھی غفلت کو قبول نہیں کرتی ہے اور غیر ملکی دشمن خاص طور پر امریکہ اور صہیونی ریاست کے ساتھ مقابلے کو اپنے بنیادی اصولوں میں سے ایک سمجھتی ہے۔

قالیباف نے کہا کہ گیارہویں حکومت شہید سلیمانی کی راہ کو جاری رکھنے کے لئے پرعزم ہے اور فلسطینی عوام ، لبنانی حزب اللہ ، مزاحمتی گروپوں ، حماس ، اسلامی جہاد اور یمن کے مظلوم عوام کی حمایت کے ساتھ ساتھ عراقی حکومت اور قوم کے ساتھ شانہ بہ شانہ کھڑے رہے گی۔

انہوں نے پارلیمنٹ کی خارجہ پالیسی کی حکمت عملی کا ذکر کرتے ہوئے کہا کہ گیارہویں پارلیمنٹ سامراج کے ساتھ مقابلے کو اہم سمجھتی ہے، اور امریکہ جو عالمی سامراج کا محور ہے، کے ساتھ مذاکرات اور سمجھوتہ کو بےہودہ اور نقصان دہ سمجھتی ہے۔

انہوں نے مزید کہا کہ دہشت گرد امریکہ سے نمٹنے کے لئے ہماری حکمت عملی شہید سلیمانی کے خون کا بدلہ لینے کا سلسلہ مکمل کرنا ہے۔ وہ کام جو عین الاسد کے اڈے پر حملے کے ساتھ شروع ہوا اور خطے سے امریکی دہشت گردوں  کے انخلا کے ساتھ خاتمہ کیا جائے گا۔ایرانی اسپیکر نے گیارہویں حکومت عالمی برادری کے ساتھ باہمی تعاون بڑھانے کا خواہاں ہے۔