جمعرات , 1 اکتوبر 2020

وفاقی ادارہ شماریات نے مہنگائی کے اعداد و شمار جاری کردیے

اسلام آباد: وفاقی ادارہ شماریات نے گزشتہ ماہ کے لیے مہنگائی کے اعداد و شمار جاری کردیے۔وفاقی ادارہ شماریات کے مطابق گزشتہ ماہ کے دوران مہنگائی کی شرح میں 0.42 فیصد اضافہ ریکارڈ کیا گیا جبکہ رواں مالی سال کے گیارہ ماہ میں مہنگائی میں 11.32 فیصد اضافہ ہوا۔مئی 2019 کے مقابلے میں مئی 2020 میں مہنگائی کی شرح 9.07 فیصد رہی اور رمضان المبارک میں متعدد اشیاء ضروریہ کی قیمتوں میں غیرمعمولی اضافہ ہوا۔ایک ماہ میں چکن 41.46 فیصد، آلو 31 فیصد، پھل 9.72 فیصد مہنگا ہوا جبکہ دودھ 4.63، ملبوسات 4 اور مصالحہ جات 3.71 فیصد مہنگے ہوئے۔ایک ماہ کے دوران پیاز 23 فیصد، سبزیاں 19 فیصد، انڈے 18 فیصد، موٹر فیول 13 فیصد، ٹماٹر 8 فیصد اور دالیں 4 سے 7 فیصد تک سستی ہوئیں۔رپورٹ کے مطابق ایک سال میں آلو 96 فیصد، دال مونگ 83 فیصد اور دال ماش 55 فیصد تک مہنگی ہوئیں جبکہ ایک سال میں گیس کے نرخ 55 فیصد ، سبزیاں 21 فیصد، چینی 20 فیصد اور انڈے 19 فیصد مہنگے ہوئے۔ایک سا ل میں ٹماٹر 39 فیصد، پیاز 21 فیصد، موٹر فیول 19 فیصد اور سبزیاں 4 فیصد سستی ہوئیں۔

 

یہ بھی دیکھیں

حکومت نے تیل و گیس کی پیداوار کی ریئل ٹائم نگرانی شروع کردی

اسلام آباد: صوبوں کی جانب سے شفافیت کے مطالبات سامنے آنے کے بعد وفاقی حکومت …