بھارت میں کورونا کیسز کی تعداد دو لاکھ سے تجاوز کر گئی

بھارت میں کورونا وائرس سے متاثر ہونے والوں کی تعداد دو لاکھ سے تجاوز کر گئی ہے۔ یہ بات بھارتی وزارت صحت کی جانب سے بتائی گئی ہے۔ گزشتہ 24 گھنٹوں کے دوران ملک میں آٹھ ہزار نو سو نئے کیسز سامنے آئے جس کے بعد کورونا متاثرین کی تعداد دو لاکھ آٹھ ہزار کے قریب پہنچ گئی ہے۔ اس طرح بھارت کورونا کیسز کے اعتبار سے ساتویں نمبر پر آ گیا ہے۔ بھارتی وزارت صحت کے مطابق وہاں ہلاکتوں کی تعداد 5,815 ہے۔