بدھ , 24 اپریل 2024

لندن میں سعودی جرائم کے خلاف مظاہرہ

لندن میں بڑی تعداد میں لوگوں نے سڑکوں پر نکل کر یمن پر سعودی عرب کے وحشیانہ حملوں کے خلاف احتجاجی مظاہرہ کیا اور سعودی جارحیت کی مذمت کی۔ابلاغ نیوز نے فارس خبر رساں ایجنسی کی رپورٹ کے حوالے سے نقل کیا ہے کہ سیکڑوں کی تعداد میں مظاہرین نے لندن میں سعودی عرب کے سفارت خانے کے سامنے اجتماع کیا اور یمنی عوام کی حمایت اور ان سے یکجہتی کا اظہار کرتے ہوئے سعودی عرب کے جرائم اور یمن کے محاصرے کے خاتمے کا مطالبہ کیا۔

مظاہرین نے اسی طرح یمنی عوام کے خلاف آل سعود حکومت کے انتہائی وحشیانہ جرائم میں برطانیہ اور دیگر ملکوں کی شمولیت اور ان کے کردار پر بھی شدید نکتہ چینی کی۔ انہوں نے ’’یمنی عوام کے خلاف جرائم بند کرو بند کرو‘‘ اور ’’یمن کو چھوڑدو چھوڑ دو‘‘ جیسے نعرے لگائے۔مظاہرین نے اپنے ہاتھوں میں ایسے پلے کارڈ بھی اٹھا رکھے تھے جن پر یمنی عوام کی حمایت اور سعودی مظالم کے خلاف نعرے درج تھے۔قابل ذکر ہے کہ جنوبی افریقہ کے اخبار ڈیلی ماوریک نے اپنی ایک رپورٹ میں برطانیہ کی وزارت دفاع کے بیانات کی بنیاد پر اس بات کا انکشاف کیا ہے کہ برطانیہ کی فضائیہ نے یمن پر وحشیانہ جارحیت و بربریت میں سعودی عرب کی بھرپور مدد کی ہے۔

یہ بھی دیکھیں

عمران خان نے تحریک انصاف کے کسی بڑے سیاسی رہنما کے بجائے ایک وکیل کو نگراں چیئرمین کیوں نامزد کیا؟

(ثنا ڈار) ’میں عمران کا نمائندہ، نامزد اور جانشین کے طور پر اس وقت تک …