شارجہ کے نائب سربراہ ہلاک ہو گئے

شارجہ: متحدہ عرب امارات کی ریاست شارجہ کے نائب سربراہ شیخ احمد بن سلطان القاسمی ہلاک ہو گئے۔عرب میڈیا رپورٹ کے مطابق شارجہ کی حکومت نے تصدیق کی ہے کہ برطانیہ میں مقیم نائب سربراہ شیخ احمد بن سلطان القاسمی ہلاک ہو گئے ہے۔حکومت کی جانب سے جاری اعلامیے میں بتایا گیا ہے کہ شیخ احمد بن سلطان کے ہلاکت پر شارجہ کے سربراہ شیخ ڈاکٹر سلطان بن محمد القاسمی نے افسوس کا اظہار کیا ہے۔

شارجہ کی حکومت نے نائب سربراہ کی ہلاکت پر تین روزہ سوگ کا اعلان کیا اس دوران قومی پرچم سرنگوں رہے گا۔ رپورٹ میں بتایا گیا ہے کہ شیخ احمد القاسمی کا جنازہ شارجہ پہنچنے اور تدفین کے بعد سوگ کا آغاز کیا جائے گا۔حکومتی ترجمان کا کہنا ہے کہ کرونا خدشے کے پیش نظر ٹیلی فون پر تعزیتی پیغام وصول کیے جائیں گے، اس بابت تعزیت کا آغاز کب سے ہوگا اس کا بھی جلد اعلان کردیا جائے گا۔یاد رہے کہ شارجہ کے نائب سربراہ شیخ احمد بن سلطان القاسمی شارجہ کے سابق سربراہ سلطان الثانی بن صقر القاسمی کے بیٹے  اور شیخ صقربن سلطان القاسمی کے سگے بھائی تھے-