پیر , 10 اگست 2020

امریکہ نے طالبان کو ہتھیار اور دیگر سامان سے لیس کیا: ڈونلڈ ٹرمپ کا انکشاف

واشنگٹن: امریکی صدر ٹرمپ نے اپنے ایک انٹرویو میں پہلی بار اعتراف کیا کہ سابق سوویت یونین کی جانب سے افغانستان پر قبضے کے دوران واشنگٹن نے طالبان کی ہر قسم کی مدد کی۔

امریکی صدر ٹرمپ نے اکسیوس خبری چینل کو انٹرویو دیتے ہوئے سابق سوویت یونین کی جانب سے افغانستان پر قبضے کے دوران واشنگٹن اور طالبان کے مابین باہمی تعاون کی جانب اشارہ کرتے ہوئے کہا کہ امریکہ نے اس وقت طالبان کو ہتھیار اور دیگر سامان سے لیس کیا۔

ٹرمپ نے اپنی صدارت کے ابتدائی ایام میں بھی اعتراف کیا تھا کہ دہشتگرد گروہ داعش کو تشکیل دینے میں امریکہ کا ہاتھ ہے۔

واضح رہے کہ امریکہ اور اس کے اتحادیوں نے 2001 میں دہشت گردی سے جنگ اور افغانستان میں امن کے قیام کے بہانے اس غریب ملک پر حملہ کیا تھا لیکن اس ملک میں امریکہ کی موجودگی کے باوجود بد امنی، دہشت گردی اور منشیات کی پیداوار میں زبردست اضافہ ہوا ہے۔

یہ بھی دیکھیں

بھارتی وزیر اعظم نے اپنے حلف کی خلاف ورزی کی ہے : اسد الدین اویسی

سری نگر: آل انڈیا مجلس اتحاد المسلمین کے سربراہ اسد الدین اویسی نے کہا ہے …