منگل , 15 جون 2021

ہزاروں مظاہرین، نتن یاہو کے گھر کے باہر مظاہرے کے لئے تیار

تل ابیب: اسرائیلی میڈیا کا کہنا ہے کہ ہزاروں کی تعداد میں مظاہرین، وزیر اعظم بنیامین نتن یاہو کے گھر کے باہر مظاہرہ کرنے کی تیاری کر رہے ہیں۔

المیادین ٹی وی چینل نے رپورٹ دی ہے کہ ہزاروں کی تعداد میں صیہونی آبادکار، جمعرات کی رات وزیر اعظم بنیامن نتن یاہو کے گھر کے باہر مظاہرہ کرنے کی تیاری کر رہے ہیں۔

رپورٹ میں بتایا گیا کہ گزشتہ اتوار کو وزیر اعظم بنیامن نتن یاہو کے گھر کے باہر اب تک کا سب سے بڑا مظاہرہ ہوا جس میں 6 ہزار سے زائد مظاہرین نے شرکت کی۔

کورونا وائرس کے باوجود حالیہ ہفتوں کے دوران تل ابیب میں صیہونی حکومت کے وزیر اعظم کے خلاف متعدد بار مظاہرے ہو چکے ہیں اور یہ سلسلہ جاری ہے۔

واضح رہے کہ صیہونی حکومت کی ایک کورٹ نے اکیس نومبر کو مالی بدعنوانیوں، اختیارات کے ناجائز استعمال اور دھوکہ دھی کے الزامات میں اسرائیلی وزیر اعظم پر باضابطہ طور پر فرد جرم بھی عائد کر دی ہے۔

یہ بھی دیکھیں

کابل میں پھر دھماکے، آٹھ افراد جاں بحق، شیعہ ہزارہ نشانے پر

کابل: افغانستان کے دارالحکومت میں جمعرات کو ہونے والے دو الگ الگ بم دھماکوں میں …