منگل , 13 اپریل 2021

قبلۂ اول سے غداری پر مزید عرب ممالک تیار، ٹرمپ کے داماد کا انکشاف

ریاض: عرب امارات کے بعد امریکی صدر کے مشیر نے سعودی عرب اور بحرین کا دورہ کیا ہے۔

اسرائیلی وفد کے ہمراہ عرب امارات، سعودی عرب اور بحرین کا دورہ کرنے والے وائٹ ہاؤس کے مشیر اور امریکی صدر ٹرمپ کے داماد جیرڈ کشنر نے واضح لفظوں میں کہا کہ چند ماہ میں مزید عرب ممالک اسرائیل سے تعلقات بحال کر لیں گے۔

سعودی ولی عہد محمد بن سلمان سے ملاقات میں ٹرمپ کے مشیر نے فلسطین اسرائیل مذاکرات کی بحالی پر گفتگو کی۔ جبکہ امیر قطر شیخ تمیم بن حمد آل ثانی کا وائٹ ہاؤس کے مشیر اور امریکی صدر ٹرمپ کے داماد جیرڈ کشنر سے ملاقات میں کہنا تھا کہ قطر 2002ء کے عرب امن تجاویز کے مسودے پر قائم ہے۔ قطر نے اسرائیل سے تعلقات کے لیے مقبوضہ بیت المقدس دارالحکومت کے ساتھ فلسطینی ریاست کے قیام کو لازمی قرار دیا ہے۔

ٹرمپ کے داماد اور مشیر سے ملاقات میں قطر کے بادشاہ شیخ تمیم کا یہ بیان ایسے عالم میں سامنے آیا ہے جب حال ہی میں متحدہ عرب امارات نے امریکہ کی ثالثی کے بعد صیہونی حکومت کے ساتھ تعلقات کو عام کرتے ہوئے قیامِ امن کے نام پر ایک معاہدے پر دستخط کر دیے۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …