منگل , 13 اپریل 2021

امریکہ میں حالیہ واقعات نے اس ملک کے زوال میں تیزی ظاہر کر دی ، ایرانی اسپیکر

ایران کی پارلیمنٹ کے اسپیکر نے کہا ہے کہ امریکی انتخابات کے دوران پیش آنے والے واقعات نے اس ملک کے زوال میں تیزی پیدا کردی ہے۔

تفصیلات کے مطابق پارلیمنٹ کے اسپیکر محمد باقر قالیباف نے کہا ہے کہ امریکہ کے اقتصادی، سیاسی، سماجی مسائل روٹیشن کے بغیر عالمی رائے کے سامنے پیش کئے گئے اور اس کا آج کا حقیقی چہرہ، دنیا کے مستضعفین کی آنکھوں کے سامنے اس کی نابودی کی منظر کشی کر رہا ہے۔

قالیباف نے کہا کہ ایران کے حوالے سے امریکی سیاست میں افراد کی تبدیلی کا کوئی اثر نہیں ہوگا۔ انھوں نے کہا کہ اصل چیز ایران کے لئے جوبائیڈن کے عملی اقدامات ہیں۔ قالیباف کا کہنا تھا کہ تیل کی فروخت، بینکنگ سے متعلق امور اور دنیا کے ساتھ ایرانی کمپنیوں کی تجارت کا عمل معمول پر آنا چاہئے۔

اسپیکر قالیباف نے کہا کہ اگر بائیڈن ، ایٹمی سمجھوتے پر یقین رکھتے ہیں تو انہیں بلا کسی پیشگی شرط کے معاہدے پر عمل درآمد کرنے کے ساتھ ساتھ امریکی حکومت کی جانب سے معاہدے پر عمل نہ کئے جانے کے نتیجے میں ایرانی عوام کو ہونے والے نقصانات کی بھرپائی کرنی ہوگی۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …