اتوار , 6 دسمبر 2020

صیہونی فوج نے فلسطینی بچے کو آنکھ سے محروم کردیا

قابض صیہونی فوج نے فلسطینی بچے کو اس وقت بربریت کا نشانہ بنایا جب وہ اپنے اسکول سے واپس گھر جارہا تھا۔

تفصیلات کے مطابق مقبوضہ بیت المقدس کے علاقے قلندیہ  کے رہائشی 16سالہ فلسطینی بشار عليان صیہونی فوجیوں کی جانب سے فلسطینیوں کو منتشر کرنےکیلئے کی جانے والی فائرنگ کی زد میں آگیا۔

میٹرک کا طالبعلم بشار عليان اپنے اسکول سے گھر جاررہا تھا کہ اسرائیلی فوجیوں کی فائرنگ کی زد میں آگیا اور ایک آنکھ سے محروم ہوگیا۔

واضح رہے کہ قابض صیہونی فوجیوں کی جانب سے گزشتہ پانچ سالوں کے دوران ربڑ کی گولیاں کا نشانہ بننے کے بعد فلسطینی صحافی ،سماجی کارکن اور عام شہریوں سمیت 26 فلسطینی  اپنی آنکھوں سے محروم ہوچکے ہیں جبکہ  اسرائیلی فوجیوں کے دانستہ دہشتگرانہ اقدامات کے نتیجے میں ڈیڑھ ہزار سے زائد فلسطینی شہری زندگی بھر کیلئے معذور ہوگئے ہیں ۔

یہ بھی دیکھیں

فرانس کو بہت جلد صدر میکرون کے شر سے نجات مل جائے گی ، ترک صدر

ترکی کے صدر رجب طیب اردوغان نے امید ظاہر کی ہے کہ فرانس کے عوام …