منگل , 15 جون 2021

سعودی آئل تنصیبات میں برطانوی فوجیوں کی خفیہ طور پر تعیناتی

برطانوی اخبار نے سعودی عرب کی آئل تنصیبات کی حفاظت کیلئے برطانوی فوجیوں کی خفیہ طور پر تعیناتی کی خبر دی ہے۔

برطانوی اخبار انڈیپنڈنٹ کی رپورٹ کے مطابق برطانیہ کی حکومت نے یہ فیصلہ اس ملک کی پارلیمنٹ کی اطلاع میں لائے بغیر کیا اور اس کی ہوا عوام کو لگنے نہیں دی۔

برطانوی پارلیمنٹ میں حزب اختلاف لیبر پارٹی نے اس مسئلے پر سخت رد عمل کا اظہار کرتے ہوئے حکومت  کے فیصلے کو غیر اخلاقی قرار دیا۔

برطانوی وزارت دفاع نے اس حوالے سے ایک بیان جاری کرتے ہوئے کہا کہ ہمارے فوجی آئل تنصیبات کو ڈرون حملوں سے بچانے میں مدد فراہم کرنے کیلئے تعینات ہوئے ہیں۔

دوسری جانب برطانوی فوج کے اعلی آفیسر جیمزہیپی نے کہا ہے کہ برطانوی فوج کی تعیناتی پر ابھی تک 8 لاکھ 40 ہزار 360 پونڈ خرچ  کئے جا چکے ہیں۔

یہ بھی دیکھیں

کابل میں پھر دھماکے، آٹھ افراد جاں بحق، شیعہ ہزارہ نشانے پر

کابل: افغانستان کے دارالحکومت میں جمعرات کو ہونے والے دو الگ الگ بم دھماکوں میں …