اتوار , 18 اپریل 2021

بھارتی بحریہ کا جنگی طیارہ بحیرہ عرب میں حادثے کا شکار ، ایک پائلٹ لاپتہ

بھارتی بحریہ کا جنگی طیارہ بحیرہ عرب میں حادثے کا شکار ہوگیا جس کے بعد طیارے کا ایک پائلٹ لاپتہ ہوگیا، پائلٹ کی تلاش کی کوششیں جاری ہیں۔

مقامی میڈیا کے مطابق گذشتہ ہفتے ایک تربیتی مشق کے دوران بھارتی فضائیہ کا ایک جنگی طیارہ بحیرہ عرب میں جا گرا تھا۔

روسی مگ 29 کے مغربی ریاست گوا کے ساحل کے قریب پانی میں جمعرات کو گرا تھا، طیارے میں موجود 2 پائلٹس میں سے ایک کو بچا لیا گیا تھا۔

بھارتی بحریہ نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ لینڈ کرنے کے لیے استعمال ہونے والا سامان اور جہاز کے دیگر حصے ڈھونڈ لیے گئے ہیں۔

گمشدہ پائلٹ کو تلاش کرنے کے لیے 9 جنگی جہاز، پانی کے اندر ڈائیونگ کرنے والی ٹیمیں اور 14 دیگر ہوائی جہازوں کو استعمال کیا جا رہا ہے۔

مقامی میڈیا رپورٹ کے مطابق بھارت کی امریکا، جاپان اور آسٹریلیا کے ساتھ مشترکہ فوجی مشقیں ہوئی تھیں جس کے بعد یہ حادثہ پیش آیا ہے۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …