اتوار , 18 اپریل 2021

وفاقی حکومت کا سیاسی و مذہبی جماعتوں کے مسلح ونگز کے خلاف کاروائی کی ہدایت

پاکستانی وزارت داخلہ نے صوبائی حکومتوں کو سیاسی و مذہبی جماعتوں کے مسلح ونگز کے خلاف موثر اقدامات کی ہدایت کردی ہے۔

ابلاغ نیوز کی رپورٹ کے مطابق پاکستانی وزارت داخلہ نے صوبائی حکومتوں کو سیاسی و مذہبی جماعتوں کے مسلح ونگز کے خلاف موثر اقدامات کی ہدایت کردی ہے۔ اطلاعات کے مطابق وفاقی وزارت داخلہ کی جانب سے صوبوں کو جاری کردہ مراسلے میں کہا گیا ہے کہ مختلف سیاسی و مذہبی جماعتوں نے اپنی ملیشیا بنا رکھی ہیں جو مسلح افواج جیسی وردی اور رینکس لگاتے ہیں، ملیشیا بنانا آئین کے آرٹیکل 256 اور نیشنل ایکشن پلان کے تیسرے نکتے کی خلاف ورزی ہے۔

مراسلے میں مزید کہا گیا ہے کہ ایسی تنظیمیں غلط مثال قائم کررہی ہیں، اس معاملے سے ملک کا دنیا میں منفی تاثر ابھرے گا، ان مسلح ونگز کے خلاف کارروائی نہ کی گئی تو سکیورٹی صورتحال مزید خراب ہوسکتی ہے، تمام صوبائی حکومتیں فوری اس بات کا نوٹس لیں اور اس کی روک تھام کے لئے فوری اقدامات کریں، وفاقی حکومت اس معاملے میں ہر طرح کی مدد کے لئے تیار ہے۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …