مقامی دفاعی کمیٹی کی رپورٹ میں انکشاف کیا گیا ہےکہ ایک سال کے دوران صیہونی فوج نے خواتین بچوں اور بزرگوں سمیت ڈیڑھ ہزار فلسطینیوں کو گرفتارکیا۔
ابلاغ نیوز کی رپورٹ کے مطابق مقبوضہ بیت المقدس کے مختلف علاقوں میں صیہونی فوج نے چھاپہ مار کاروائیوں اور نام نہاد تلاشی کے نام پر لوٹ مارکرتے ہوئے 44 خواتین 182 بچوں (جن میں سے اکثریت کی عمریں 18 سال سے کم ہیں )18 صحافی جن میں 4 خواتین صحافی بھی شامل ہیں سمیت کم سے کم ڈیڑھ ہزار کے قریب فلسطینیوں کو گرفتارکرکے جیلوں میں ڈالا جا چکا ہے ۔
رپورٹ میں بتایا گیا ہے کہ مقبوضہ فلسطین کے علاقے العیسویہ میں قابض صیہونی فوج کے ہاتھوں تشدد کے نتیجے میں 15 سے زیادہ بچے زخمی جبکہ تین بچے شہید ہو چکے ہیں۔