پیر , 12 اپریل 2021

پوری دنیا میں سعودی ایئر ڈیفنس سسٹم کا مذاق اڑ رہا ہے، ہم فتح کے مرحلے میں داخل ہو چکے ہیں

یمن کی انقلابی کونسل کمیٹی کے سربراہ کا کہنا ہے کہ ملک، فتح کے مرحلے میں داخل ہو چکا ہے۔

یمن کی انقلابی کونسل کمیٹی کے سربراہ محمد علی الحوثی نے کہا کہ اب یمن، کامیابی کے مرحلے میں داخل ہو چکا ہے اور یہ کہا جا سکتا ہے کہ وہ اب پوری طرح سے سعودی اتحاد پر مسلط ہو چکا ہے۔

المسیرہ ٹی وی چینل کے مطابق یمن کی انقلابی کونسل کمیٹی کے سربراہ نے محمد علی الحوثی نے اتوار کو بتایا کہ سعودی اتحاد کے مقابلے میں یمن نے جو کامیابیاں حاصل کی ہیں، انہیں کی وجہ سے یورپی میڈیا، سعودی عرب کے ایئر ڈیفنس سسٹم کا مذاق اڑا رہے ہیں۔

محمد الحوثی نے کہا کہ یورپی میڈیا نے اس بات کا اعتراف کیا ہے کہ سعودی ریڈار فیل ہو چکے ہيں اور یہی وجہ ہے کہ وہ اب فرانسیسی سسٹم کی خریداری کے بارے میں سوچ رہے ہیں۔

قابل ذکر ہے کہ یمن کی فوج نے گزشتہ ہفتوں کے دوران جیزان، عسیر اور مآرب صوبوں میں سعودی اتحاد کے کچھ جاسوسی ڈرون طیاروں کو مار گرایا ہے۔

 

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …