ہفتہ , 17 اپریل 2021

کورونا وائرس کی نئی قسم امریکہ پہنچ گئ

نومنتخب امریکی صدر جو بائیڈن نے صدر ٹرمپ کو ویکسین کی تقسیم پر تنقید کا نشانہ بنایا ہے۔

امریکہ میں کورونا سے مجموعی اموات 3 لاکھ 43 ہزار ہوگئی جبکہ امریکہ میں 24 گھنٹوں میں کورونا کے ایک لاکھ 55 ہزار سے زائد کیسز اور تقریبا 1500 اموات رپورٹ ہوئیں۔

امریکہ میں دسمبر کے مہینے میں کورونا سے تقریبا 65 ہزار اموات ہوئیں۔

دوسری جانب ولمنگٹن میں خطاب کرتے ہوئے جوبائیڈن نے کہا کہ ٹرمپ انتظامیہ کے تحت ویکسین کی تقسیم کی رفتار انتہائی سست ہے، آنے والے دنوں میں امریکی قوم کو مشکلات کا سامنا کرنا پڑے گا۔

ادھر ریاست کولوراڈو میں کورونا وائرس کے نئی قسم کے مریض کی تصدیق ہو گئی ہے، متاثرہ شخص کو الگ تھلگ کر دیا گیا۔ حکام کا کہنا ہے کہ مریض نے حال ہی میں کوئی سفر نہیں کیا تاہم مزید تحقیقات جاری ہیں۔ جبکہ کورونا وائرس کی نئی قسم سامنے آنے کے بعد نیویارک میں غیر ملکی مسافروں کیلئے قرنطینہ لازمی ہوگا۔

 

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …