منگل , 13 اپریل 2021

نئے امریکی صدرکو کس بات نے پریشان کردیا

نئے امریکی صدر کو امریکہ میں کورونا وائرس سے بڑے پیمانے پر ہونے والی ہلاکتوں نے پریشان کر دیا ہے۔

نئے امریکی صدر جو بائیڈن نے مہلک وائرس سے بچنے کا منصوبہ بناتے ہوئے وائٹ ہاؤس میں بریفنگ کے دوران کہا کہ امریکہ آنے والوں کو 14 روز قرنطینہ میں گزارنا ہوگا۔ امریکہ سے دوسرے ممالک جانے والوں کو بھی کورونا کی نیگیٹیو رپورٹ دینا ہوگی۔ ویکسینیشن کا دائرہ کار بڑھا دیا گیا ہے، مزید لوگوں کے ٹیسٹ بھی کئے جائیں گے۔

انہوں نے مزید کہا کہ سابق انتظامیہ کے غلط فیصلوں کی وجہ سے لوگوں کا نقصان ہوا، وائرس سے بچاو کے لیے ویکسین اب تک بیشتر شہریوں کو لگ جانی چاہیے تھی اور ہر امریکی شہری کو ماسک پہننے پر راضی کریں گے۔

امریکی صدر نے خدشہ ظاہر کیا کہ مہلک وائرس پر قابو پانے میں کچھ مہینے لگیں گے اور ساتھ ہی اگلے ماہ کورونا سے اموات کی تعداد 5 لاکھ سے بڑھ سکتی ہے۔

 

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …