افغان سیکورٹی اہلکاروں پر حملہ، کمانڈر سمیت چھے ہلاک

افغانستان میں طالبان گروہ نے صوبے لوگر کے شہر چرخ پر قبضہ کرنے کا دعوی کیا ہے۔

افغان میڈیا کے مطابق طالبان کے ترجمان ذبیح اللہ مجاہد نے ٹوئٹ کیا ہے کہ طالبان گروہ کی کارروائی میں صوبے لوگر کے شہر چرخ کے مضافات میں اور اسی طرح فوجی ہیڈکوارٹر سے افغان فوجی اہلکار راہ فرار اختیار کرنے پر مجبور ہو گئے۔

طالبان کے ترجمان کا کہنا ہے کہ چرخ شہر کے مرکزی اور اطراف کے تمام علاقوں پر طالبان کا قبضہ ہو گیا ہے۔

ذبیح اللہ مجاہد نے دعوی کیا کہ افغان فوجی اہلکاروں نے پسپائی اختیار کرتے وقت بازار سنگک پر گولہ باری کی جس میں دو عام شہری ہلاک اور چھے دی‍گر زخمی ہوئے ۔

افغانستان کی حکومت نے اب تک طالبان کے اس دعوے کے ردعمل میں کوئی بیان جاری نہیں کیا ہے۔