جمعرات , 22 اپریل 2021

اسرائیل کے ساتھ امن کا کوئی امکان نہیں، حماس کا واضح اعلان

بیت المقدس اور مسجدالا قضی کو صیہونی قبضے سے چھڑانا تمام مسلمانوں کا مقدس فریضہ ہے۔

یہ بات اسلامی مزاحمتی تحریک حماس نے تنظیم کے بانی شیخ احمد یاسین کی شہادت کی سترہویں برسی کے موقع پر جاری کیے جانے والے ایک بیان میں کہی۔

قابل ذکر ہے کہ غاصب صیہونی حکومت نے بائیس مارچ دوہزار چار کو ایک دہشت گردانہ حملے میں، حماس کے بانی رہنما شیخ احمد یاسین کو شہید کردیا تھا۔

حماس کے جاری کردہ بیان کے مطابق قدس شریف کو اسرائیل کے ناپاک قبضے سے چھڑانا دنیا کے ہر عرب اور مسلمان کا مقدس فریضہ ہے۔

بیان میں ایک بار پھر یہ بات زور دے کر کہی گئی ہے کہ بیت المقدس ہی آزاد فلسطینی ریاست کا دارالحکومت ہوگا کیوں کہ آج لاکھوں لوگوں نے شیخ احمد یاسین کا پرچم اپنے ہاتھوں میں تھام رکھا ہے۔

بیان میں واضح کیا گیا ہے کہ اسلامی مزاحمتی تحریک حماس اسرائیل کو کبھی تسلیم نہیں کرے گی۔ اسرائیل کے ساتھ امن یا فلسطین کی مقدس سرزمین کے ایک انچ کے بدلےکسی بھی طرح کی سودے بازی کا سوال ہی پیدا نہیں ہوتا۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …