جمعہ , 23 اپریل 2021

امریکہ میں فائرنگ کے دو واقعات، دو ہلاک ، آٹھ زخمی

مشرقی امریکہ میں فائرنگ کے دو الگ الگ واقعات میں کم سے کم دو افراد ہلاک اور آٹھ زخمی ہوگئے۔

پولیس کے مطابق فائرنگ کے دونوں واقعات ریاست ورجینیا کے ساحلی علاقے میں پیش آئے۔ پولیس نے علاقے کو سیل کرکے تحقیقات شروع کردی ہیں۔ متعدد افراد کو گرفتار بھی کیا گیا ہے تاہم فائرنگ کے محرکات کے بارے میں پولیس نے کچھ نہیں بتایا۔

مشرقی امریکہ میں فائرنگ کے یہ واقعات ایسے وقت میں پیش آئے ہیں جب گزشتہ روز شکاگو سٹی میں فائرنگ کے واقعے میں کم سے کم ایک شخص ہلاک اور سات دیگر زخمی ہوگئے تھے۔

امریکہ کو ان دنوں تشدد کی نئی لہر کا سامنا ہے اور روزانہ فائرنگ کے متعدد واقعات پیش آرہے ہیں۔

یہ بھی دیکھیں

ایران و چین معاہدے پر امریکہ چراغ پا

امریکی صدر نے ایران اور چین کے 25 سالہ معاہدے پر سخت تشویش کا اظہار …