شام میں کاربم دھماکہ، متعدد افراد جاں بحق و زخمی

عفرین: شام میں ہونے والے دھماکے میں متعدد افراد جاں بحق و زخمی ہوئے ہیں۔

شام کی سرکاری نیوز ایجنسی سانا نے رپورٹ دی ہے کہ شام کے شہرعفرین میں کل رات ہونے والے کاربم دھماکےمیں ایک بچے سمیت 3 افراد جاں بحق اور کئی دیگر زخمی ہوئے ہیں۔

شام کے شہر عفرین پر ترکی اور اس کے حمایت یافتہ دہشتگردوں کا قبضہ ہے۔ اور اسی وجہ سے اس شہر پر موٹر سائیکل اور کاربم دھماکے ہوتے رہتے ہیں۔

گزشتہ 4 برسوں کے دوران ترکی کی جانب سے شام کی سرزمین پر جارحیت کا سلسلہ جاری ہے اور اب بھی شام کے شمالی علاقوں میں ترکی کے فوجی تعینات ہیں۔