تہران: امریکہ دوسروں کے سر الزام ڈال کر اپنے مجرمانہ تعلقات کو چھپانے کی کوشش کر رہا ہے، یہ بات ایران کے وزیر خارجہ محمد جواد ظریف نے کہی۔
اسلامی جمہوریہ ایران کے وزیر خارجہ نے اپنے ایک ٹوئیٹ میں، اسلامی جمہوریہ ایران کے خلاف ماحول سازی میں مصروف امریکہ کو انتباہ دیا ہے کہ وہ دوسروں پر الزام لگانے سے پہلے اپنے معاملات کو ٹھیک کرے۔
US-affiliated gunmen hatch plots on US soil to assassinate leaders in 🇻🇪 & 🇭🇹 while US government busily covers up its criminal ties by accusing others of a patently ridiculous, childishly conceived kidnapping operation.
Put your house in order before throwing bricks at others'. pic.twitter.com/gAqyuzs1pv
— Javad Zarif (@JZarif) July 16, 2021
ان کا کہنا تھا کہ ہیٹی کے وزیر اعظم کے قتل میں امریکی ہاتھ بالکل نمایاں ہے اور اسی طرح کی کوششونیزویلا کے صدر کے خلاف بھی کی جا رہی ہے۔
محمد جواد ظریف نے اسلامی جمہوریہ ایران کے خلاف امریکہ کی تازہ ترین الزام تراشیوں کا جواب دیتے ہوئے کہا ہے کہ امریکہ سے وابستہ مسلح عناصر امریکی سرزمین پر بیٹھ کر ونيزویلا اور ہیٹی کے رہمناؤں کے قتل کا منصوبہ تیار کرتے ہیں جبکہ امریکہ دوسروں پر اغوا کی کاروائيوں کا الزام لگا کر اپنے ان مجرمانہ تعلقات کی پردہ پوشی کرنے کی کوشش کر رہا ہے۔ انہوں نے کہا امریکہ کے یہ اقدامات بالکل بچکانہ اور مضحکہ خيز ہيں۔
محمد جواد ظریف نے امریکیوں کو مشورہ دیا ہے کہ وہ الزام تراشیوں کی بجائے اپنے معاملات درست کریں۔