ٹوکیو پیرا لمپکس میں گولڈ میڈل جیت کر ملک کا نام روشن کرنے والے حیدرعلی کے لیے پنجاب حکومت نے 25 لاکھ روپے انعام کا اعلان کردیا ہے۔
وزیرکھیل پنجاب رائے تیمور بھٹی نے ایک بیان میں کہا ہے کہ ٹوکیو پیرالمپکس میں گولڈ میڈل جیت کر حیدر علی نےپوری قوم کاسرفخرسےبلند کردیا ہےاس کارنامے پر محکمہ کھیل پنجاب کی طرف سے حیدرعلی کے لیے 25 لاکھ روپے انعام کااعلان کرتا ہوں۔
حیدر علی نے ٹوکیو پیرا اولمپکس میں گولڈ میڈل حاصل کرکے پوری قوم کا سر فخر سے بلند کردیا ہے۔ محکمہ سپورٹس ان کی ہمت اور کامیابی کی ستائش کرتے ہوئے ان کے لئے 25 لاکھ روپے انعام کا اعلان کرتا ہے جو ان کی وطن واپسی پر وزیر اعلی پنجاب سردار عثمان بزدار ایک تقریب میں دیں گے۔ pic.twitter.com/yKnfPbZkOE
— Rai Taimoor Khan Bhatti (@RaiTaimoorB) September 3, 2021
وزیرکھیل پنجاب کا کہنا تھا کہ حیدر علی کو یہ انعامی رقم ان کی وطن واپسی پر وزیراعلیٰ پنجاب عثمان بزدار ایک تقریب میں دیں گے۔
یاد رہے کہ جمعہ کو ٹوکیو پیرالمپکس میں مردوں کے ڈسکس تھرو مقابلے میں پاکستان کے حیدر علی نے تاریخ رقم کرتے ہوئے پاکستان کیلئے پہلا گولڈ میڈل جیتا تھا ۔