پیر , 27 مئی 2019

جرمن حکومت کا غزہ متاثرین کیلئے 100 مکانات کی تعمیر کا اعلان

german aid for Ghaza

مقبوضہ بیت المقدس (مانیٹرنگ ڈیسک)جرمنی کی حکومت نے فلسطین کے جنگ سے متاثرہ علاقے غزہ کی پٹی میں 100 مکانات کی تعمیر کا اعلان کیا ہے۔ جرمن حکام غزہ کی پٹی میں مکانات کی تعمیر کا منصوبہ اقوام متحدہ کےاشتراک سے شروع کریں گے۔ذرائع کےمطابق بیت المقدس میں اقوام متحدہ کے سروسز پروجیکٹ شعبے UNOPS کی جانب سے جاری کردہ ایک بیان میں بتایا گیا ہے کہ ’یو این ‘ ادارہ اور جرمنی کا ترقیاتی بنک KFW مشترکہ طورپر غزہ کی پٹی میں جنگ سے متاثرہ شہریوں کی بحالی کے لیے 100 مکانات تعمیر کریں گے۔ اس منصوبے پر 5 ملین یورو کی رقم کا تخمینہ لگایا گیا ہے۔بیان میں مزید کہا گیا ہے کہ جرمن حکومت کی طرف سے غزہ کی پٹی میں مکانات کی تعمیر کے لیے فنڈز جاری کیے جائیں گے۔ اس کے علاوہ اس منصوبے کو ناروے کی پناہ گزین کونسل NRC کا بھی تعاون حاصل رہے گا جب کہ منصوبے پر کام اقوام متحدہ کے ماہرین کی نگرانی میں کرایا جائے گا۔خیال رہے کہ سنہ 2014ء کے دوران فلسطین کے علاقے غزہ کی پٹی پر اسرائیلی فوج کی 51روزہ جنگ کے نتیجے میں ہزاروں کی تعداد میں مکانات مسمار ہوگئے تھے۔ عالمی برادری کی جانب سے غزہ کی پٹی میں گھروں سے محروم ہونے والے شہریوں کی مدد اور ان کی بحالی کے لیے امداد کا اعلان کیا تھا مگر بین الاقوامی برادری کی طرف سے خاطر خواہ امداد نہ ملنے کے باعث غزہ کے ہزاروں افراد تا حال عارضی خیموں اور کھلے آسمان تلے زندگی گذارنے پرمجبور ہیں۔

یہ بھی دیکھیں

اقلیتوں کا بھروسہ جیت کر ‘فرضی خوف’ کا خاتمہ چاہتا ہوں، مودی

نئی دہلی (مانیٹرنگ ڈیسک) بھارتیہ جنتا پارٹی (بی جے پی) کی قیادت میں اتحادی جماعتوں …