جمعہ , 26 فروری 2021

کابل ہوائی اڈے کے قریب دھماکہ، ایک ہلاک

کابل کے بین الاقوامی ہوائی اڈے کے قریب سوموار کو ہونے والے خود کش بم حملے میں کم از کم ایک شہری ہلاک ہو گیا ہے۔

حکام کے مطابق اس دھماکے میں 13 شہری زخمی بھی ہوئے ہیں۔

کابل پولیس کے سربراہ جنرل رحمٰن رحیمی کا ذرائع ابلاغ کے نمائندؤں سے بات کرتے ہوئے کہنا تھا کہ ’ اس دھماکے کے نتیجے میں ہمارا ایک شہری ہلاک اور 13 دوسرے زخمی ہوگئے ہیں۔‘

افغان وزارتِ داخلہ کے ترجمان کے مطابق یہ دھماکہ ہوائی اڈے کے مشرقی داخلی گیٹ کے قریب ہوا ہے۔

عینی شاہدین کے مطابق بم دھماکے کے نتیجے میں قریبی عمارتوں کو بھی نقصان پہنچا ہے۔

طالبان نے اس حملے کی ذمہ داری قبول کرتے ہوئے کہا ہے کہ ان کا حدف غیر ملکی افواج کا قافلہ تھا۔

خیال رہے کہ پچھلے ہفتے بگرام ایئر فیلڈ کے قریب طالبان کے ایک خود کش حملے میں چھ امریکی فوجی ہلاک ہوگئے تھے۔

بگرام ایئر فیلڈ سے کچھ فاصلے پر حملہ آور نے باورد سے لدی اپنی موٹر سائیکل امریکی فوجی گاڑی سے ٹکرا دی تھی۔

دریں اثناء افغانستان کے شمالی صوبے قندہار میں بچوں کو پولیو کی ویکسین پلانے والی رضاکار خاتون کو نامعلوم افراد نے فائرنگ کر کے ہلاک کر دیا ہے۔

یہ بھی دیکھیں

برطانوی پارلیمنٹ فیکٹ فائنڈنگ مشن مقبوضہ کشمیر بھیجے گی

لندن (مانیٹرنگ ڈیسک) برطانوی پارلیمنٹ نے مقبوضہ کشمیر میں انسانی حقوق کی پامالی پر تشویش …