ہفتہ , 24 اگست 2019

انگور جسمانی وزن میں کمی کے لیے مفید

23

انگور کا روزانہ استعمال جسمانی وزن میں کمی کے لیے مفید ہے۔

یہ بات امریکا میں ہونے والی ایک طبی تحقیق میں سامنے آئی۔

ہاورڈ اسکول آف پبلک ہیلتھ اور ایسٹ اینجلا یونیورسٹی کی مشترکہ تحقیق میں کہا گیا ہے کہ انگوروں کا استعمال درمیانی عمر میں توند پر جمع ہونے والی چربی کی روک تھام اور جسمانی وزن میں کمی کے لیے مفید ثابت ہوسکتا ہے۔

تحقیق میں بتایا گیا ہے کہ روزانہ کچھ مقدار میں انگور کھا کر یہ فائدہ حاصل کیا جاسکتا ہے۔

محققین کے مطابق اس کی وجہ انگوروں میں پائے جانے والے قدرتی جز فلیونوئڈز ہوسکتا ہے۔

یہ جز بلڈ پریشر اور کولیسٹرول کی سطح میں کمی لانے کی صلاحیت بھی رکھتا ہے جس سے امراض قلب اور کینسر کا امکان کم ہوجاتا ہے۔

اس تحقیق کے دوران 24 برسوں میں ایک لاکھ سے زائد افراد کا جائزہ لیتے ہوئے انہیں تین گروپس میں تقسیم کیا گیا۔

ان کی غذائی عادات کے معائنے سے معلوم ہوا کہ جن افراد نے فلیونوئڈز سے بھرپور غذاﺅں کا استعمال کیا وہ اپنا جسمانی وزن متوازن رکھنے میں کامیاب رہے بلکہ اس میں کمی لائے۔

یہ جز انگور، بلیو بیری، اسٹرابری، چیری، بلیک بیری وغیرہ میں پایا جاتا ہے۔

محققین کا کہنا ہے کہ نتائج سے معلوم ہوتا ہے کہ فلیونوئڈز سے بھر پور غذا کا درمیانی عمر میں استعمال جسمانی وزن کو مستحکم رکھنے میں کامیاب رہتا ہے۔

یہ بھی دیکھیں

کشمیر پر رہبر انقلاب اسلامی کے بیان کا پاک و ہند کے ذرائع ابلاغ میں انعکاس

تہران (مانیٹرنگ ڈیسک)کشمیر کی صورتحال پر رہبر انقلاب اسلامی کے بیان کا پاکستان اور ہندوستان …