اتوار , 28 فروری 2021

فیس بک اَن انسٹال کریں، بیٹری لائف بڑھائیں

3

اینڈرائیڈ ایپس کی بات کریں تو فیس بک کا ٹریک ریکارڈ کچھ زیادہ متاثر کن نہیں، کیونکہ صارفین ایک عرصے سے فیس بک ایپ کی وجہ سے پرفارمنس مسائل اور بیٹری جلد ختم ہونے کی شکایات کرتے آئے ہیں۔

گزشتہ سال فیس بک کے چیف پراڈکٹ آفسر کرس کاکس نے غیر معمولی قدم اٹھاتے ہوئے یہ مسائل حل کرنے تک اپنے عملے کو آئی فون چھوڑ کر اینڈرائیڈ استعمال کرنے کا حکم دیا تھا۔

تاہم، اس کے باوجود مسائل جوں کے توں رہے اور حال ہی میں ایک اینڈرائیڈ بلاگر رسل ہولی نے فیس بک ایپ کو ہی خیرباد کہہ دیا۔ ان کے بعد تو ایسا کرنے والے صارفین کی جیسے ایک لائن لگ گئی۔

ہولی کے اس انکشاف کے بعد کہ فیس بک ایپ کے بغیر اینڈرائیڈ کی پرفارمنس بہتر ہو جاتی ہے، ایک اور صارف نے اپنے ایل جی –جی فور پر ایپ کے اثرات ٹیسٹ کیے۔

انہیں ریسرچ سے معلوم ہوا کہ فیس بک اور فیس بک میسنجر ایپ کے بغیر دوسری ایپس سمارٹ فون پر 51 فیصد زیادہ تیزی سے کھلیں۔

یہ بھی معلوم ہوا کہ اس ایپ کی عدم موجودگی میں دوسری اینڈرائیڈ سروسز نے بیٹری کا استعمال بھی کم کر دیا۔

اس سے معلوم ہوتا ہے کہ فیس بک ایپ اَ ن انسٹال کر کے بیٹری محفوظ کرنے کے ساتھ ساتھ اینڈرائیڈ فونز کی رفتار بہتر ہو جاتی ہے۔

ایپ کے بغیر اگر فیس بک کو کروم براؤزر پر استعمال کیا جائے تو فون اور بیٹری کی پرفارمنس خراب نہیں ہوتی۔

یہ بھی دیکھیں

یکم جنوری سے ان اسمارٹ فونز پر واٹس ایپ نہیں چلے گا

لندن: پیغام رسانی، آڈیو اور ویڈیو کال کی معروف واٹس ایپ یکم جنوری 2021 سے …