منگل , 7 جولائی 2020

ترکی میں جنگی جرائم کی عدالت کا جج گرفتار

1478758490-2621

انقرہ (مانیٹرنگ ڈیسک )جنگی جرائم سے متعلق اقوام متحدہ کے عدالتی پینل کے ایک ترک جج کو، سفارتی استثنا ءکی خلاف ورزی کرتے ہوئے، جولائی میں ہونے والی ناکام فوجی بغاوت سے تعلق کے سلسلے میں گرفتار کر لیا گیا ہے۔میکنزم فار انٹرنیشنل کریمینل ٹریبونلز کے صدر تھوڈور میرون نے کہا ہے کہ ان کے پینل کے ایک جج علاؤ الدن صدف آقے کو ستمبر میں جولائی میں ہونے والے واقعات سے تعلق کے الزامات پر گرفتار کیا گیا تھا، جو ترکی کے آئینی حکم نامے کی خلاف ورزی ہے۔
اقوام متحدہ کی جنرل اسمبلی میں تقریر کرتے ہوئے میرون نے کہا کہ ترکی نے صدف سے ملاقات کی اجازت دینے اور انہیں فوری طور پر رہا کرنے کی ان کی درخواست مسترد کر دی ہے ۔یہ عدالت یوگوسلاویہ اور روانڈہ میں نسل کشی کے مقدمات کی سماعت کرتی ہے۔جولائی کی ناکام فوجی بغاوت کے بعد سے ترکی میں 30 ہزار سے زیادہ لوگوں کو گرفتار کیا جا چکا ہے۔ گرفتار ہونے والوں کی اکثریت کا تعلق فوج، تعلیم اور عدالتی شعبوں سے ہے۔

یہ بھی دیکھیں

عراقی کردستان کے صوبے دہوک میں ترکی کی فوجی مداخلت انسانی بحران کا سبب

عراقی کردستان میں دھوک صوبے کے شمال میں واقع سرحدی دیہات پر ترکی کی بم …